PCR

QUE É?

É unha proba diagnóstica que permite detectar un fragmento do material xenético dun patóxeno, significa Polymerase Chain Reaction ou Reacción en Cadena da Polimerasa.

Mediante esta proba localízase e multiplícase un fragmento de material xenético do virus. É unha proba moi específica que detecta concretamente o virus e o distingue doutros. É altamente sensible, e ainda que teñamos moi pouco material xenético dinos que hai virus. Ademáis, é unha técnica que detecta a infeción dende o inicio da mesma.

COMO SE REALIZA?

Para realizar unha PCR recollen unha mostra sobre a que se fará a proba, pódese recoller de diferentes maneiras (uretral, un esputo, sangue, biopsia cutánea…). O proceso é o seguinte:

1. Extráese da mostra recollida o ADN que conteña. Esto inclúe células do 

teu propio corpo, e tamén material de calquer xerme que haxa.

2. Quéntase a mostra hasta case os 100ºC para que as dúas cadeas de ADN se separen.

3. Á mostra añádeselle unha secuencia de ADN sintetizada no propio laboratorio (cebador) que se une a un ADN coñecido.

4. Enfríase a mostra para que o cebador se una ao ADN que se estudia. A continuación empeza a funcionar unha enzima chamada DNA-polimerasa, que duplica o ADN a estudio.

5. Repítense todos os pasos previos; cada vez que termine un ciclo obtendrase unha duplicación das cadeas de ADN previas.

6. Co ADN amplificado xa se poden realizar estudios xenéticos de forma fácil e rápida.

QUE UTILIDADES TEN?

Na investigación bioquímica e médica, a PCR permite preparar fragmentos de ADN para a súa clonación en plásmidos bacterianos ou virus para usalos como vectores, paso imprescindible no desarrollo de terapias xénicas. Ademais, en Medicina, esta técnica é utilizada para diagnosticar enfermidades hereditarias. Incluso se utiliza para identificar patóxenos.

Por se fora pouco, a PCR é unha técnica importantísima nas probas de paternidade e nos análises forenses da policía científica.