Crítica á Teoría Saltacionista

O problema da orixe da vida é un dos máis importantes e difíciles ao que o ser humano se tivo que enfrontar, e que deu lugar a todo tipo de explicacións relixiosas, mitolóxicas e científicas. Na actualidade existen varias teorías pero ningunha delas é concluinte. 

No pasado as teorías sobre a orixe da vida estaban divididas en dous grupos, as teorías fixistas e as evolucionistas. As teorías fixistas sostiñan que as especies permanecerian invariables ao longo dos tempos desde a súa creación, é dicir, que as especies serían tal e como foron creadas. Pola contra, as teorías evolucionistas sosteñen que as diferentes especies na Terra teñen a súa orixe en outros organismos diferentes que existiron antes e que foron cambiando a través de varias xeracións.

A teoría saltacionista é unha teoría evolucionista que consiste nun gran cambio mutacional que ocorre dunha xeración para a seguinte, que ten o poder de causar a especiación nun só paso. Ao contrario, os gradualistas sosteñen que a evolución das especies ocorre de maneira gradual, e é isto o que está demostrado.

 O gradualismo está apoiado por procesos xeolóxicos; estes procesos xeolóxicos son cambios longos e lentos que se producen ao longo de miles ou mesmo millóns de anos. Cando Charles Darwin comezou a formular a súa teoría da evolución, adoptou esta idea. O rexistro fósil é unha evidencia que apoia esta opinión. Hai moitos fósiles de transición que mostran adaptacións estruturais das especies a medida que se transforman en especies novas. Os defensores do gradualismo din que a escala de tempo xeolóxico axuda a mostrar como as especies cambiaron en diferentes momentos desde que comezou a vida na Terra. En cambio o saltacionismo non ten ningunha proba científica na que apoiarse, o que indica que é un disparate e os cambios nas especies, definitivamente, danse gradualmente.