Actividades T.2- A Terra, planeta vivo

 1) Define:
 

a) Placa tectónica: porción de litosfera limitada por zonas de converxencia e/ou zonas de subdución.
 

b) Escala Richter: escala que asigna un número para cuantificar a enerxía liberada por un terremoto.
 

c) Ciclo de Wilson: agregación e dispersión case periódica da codia continental da Terra.
 

d) Panxea: supercontinente rodeado polo mar Pantalasa, que existiu durante o período mesozoico, antes de que o proceso de placas tectónicas separase os continentes.

2) Que tipos de bordes aparecen nas placas tectónicas?. Comenta brevemente que fenómenos teñen lugar en cada tipo de borde. 

Nas placas tectónicas existen bordes constructivos, nos cales aparecen dorsais oceánicas (zona onde se separan dúas placas) onde se crea litosfera pola expulsión de magma na dorsal; bordes destructivos, nos cales aparecen zonas de subdución (lugar onde dúas placas chocan e unha delas se desliza por debaixo da outra) e tamén onde se destrúe litosfera e, por último; bordes neutros, nos que se forman fallas transformantes (desgarres do terreo nos que as placas se deslizan unha con respecto a outra), aquí non se crea nin se destrúe litosfera.

3) Como é a estrutura do planeta Terra? Que características ten cada capa da Terra?.

O interior da Terra é unha enorme estrutura rochosa dividida en capas concéntricas separadas por descontinuidades. Estas descontinuidades separan capas con diferente composición ou distinto estado físico. Estas capas son:

• Cortiza: capa máis externa; é sólida e está formada, maioritariamente, por silicatos de aluminio. Pode ser continental (máis grosa) ou oceánica (máis fina e máis recente).
• Manto: formado por silicatos de magnesio e de ferro. A súa temperatura e presión van aumentando cara ao interior e as rocas atópanse fundidas. A parte superior do manto é sólida e a capa que forma xunto coa cortiza denomínase litosfera. 
• Núcleo: capa máis interna e está formada por ferro e niquel. Divídese en núcleo externo (líquido) e núcleo interno (sólido).

4) Como explicarías que se encontraran fósiles de animais moi parecidos en Sudamérica e en Australia?

Isto débese a que hai moitos anos só existia un único continente denominado Panxea que estaba formado por sete placas litosféricas que están en continuo movemento; polo tanto, na época de Panxea, Sudamérica e Australia estaban unidas e por iso existen fósiles de especies semellantes neses dous lugares.

5) Cales son as probas da deriva continental proposta por Wegener que confirma a Tectónica de Placas?

Existen probas xeográficas, as formas das costas dos continentes encaixaban entre sí; xeolóxicas, algunhas formacións xeolóxicas continuaban a ambos os dous lados do Atlántico; paleontolóxicas, atopábanse fósiles das mesmas especies en continentes separados, e paleoclimáticas, ao observar probas do glaciarismo no Carbonífero atopáronse ubicacións e fluxos glaciais que non tiñan sentido na actualidade.

6) Que afirma a teoría da expansión do fondo oceánico? 

Esta teoría di que pola dorsal oceánica, a través de movementos convectivos sobe o magma e deposítase a ambos os dous lados da dorsal. Con este proceso fórmase unha cortiza oceánica que logo se destruirá ao subducir por unha cortiza continental.
7) Que son e que acontece nos límites diverxentes?

Un borde diverxente é o límite entre dúas placas litosféricas contiguas que se separan. Conforme as placas diverxen, novo material ascende mediante procesos magmáticos desde o manto terrestre, creándose nova litosfera.

8) Que son e que acontece nos límites converxentes?

Un borde converxente é o bordo de choque entre dúas placas tectónicas; e cando unha destas placas se afunde debaixo da outra consumíndose no manto, fálase de subdución.

9) Que factores inflúen sobre a velocidade dunha colada de lavas? 

• A forza coa que sae do volcán. 
• A viscosidade da lava.
• A inclinación do terreo polo que circula a lava.

10) Cales son as sinais que nos avisan da inminente erupción dun volcán?

• A actividade sísmica.
• A expulsión de gases.